స్టార్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ మంగళవారం నాటి ఎపిసోడ్ -929 లో.....కళ్యాణ్ కి రాజ్ ఫోన్ చేసి స్టేషన్ నుండి తప్పించుకోవడానికి ఒక ప్లాన్ చెప్తాడు. దాంతో కళ్యాణ్ తన ఫ్రెండ్ కి ఫోన్ చేసి స్టేషన్ కి వెళ్లి కానిస్టేబుల్ కి లంచ్ బాక్స్ ఇచ్చేసి రమ్మని చెప్తాడు. దాంతో కళ్యాణ్ ఫ్రెండ్ స్టేషన్ కి వెళ్లి లంచ్ బాక్స్ ఇస్తాడు. ఆ తర్వాత కళ్యాణ్ స్టేషన్ కి ఫోన్ చేసి.. మీ స్టేషన్ లో బాంబ్ పెట్టారు.. ఇందాక బాక్స్ తెచ్చారు కదా అందులో ఉందనగానే ఇన్‌స్పెక్టర్ తో పాటు అందరు బయటకు వెళ్తారు. అప్పుడే కళ్యాణ్ వచ్చి రాజ్ ని బైక్ పై తీసుకొని వెళ్తాడు.

బాంబ్ స్కాడ్ వాళ్ళు స్టేషన్ కి వచ్చి చెక్ చేస్తారు. మీకు ఎవరో రాంగ్ ఇన్ఫర్మేషన్ ఇచ్చారని వాళ్ళు అంటారు. పక్కన చూస్తే రాజ్ ఉండడు. దాంతో ఇదంతా రాజ్ పని అని ఇన్‌స్పెక్టర్ కి అర్థం అవుతుంది. వెంటనే ఇన్‌స్పెక్టర్ అప్పుకి కాల్ చేసి మీ బావ స్టేషన్ నుండి తప్పించుకున్నాడని.. అతన్ని అరెస్ట్ చేసి తీసుకొని వచ్చే బాధ్యత నీదే అని అంటాడు. సర్ నేను లీవ్ లో ఉన్నానని అప్పు అంటుంది. లీవ్ లో ఉంటే ఏంటి నీ డ్యూటీ నువ్వు చెయ్ అని ఇన్‌స్పెక్టర్ అంటాడు. ఆ తర్వాత రాజ్ హాస్పిటల్ కి వస్తాడు. నా భార్యని కాపాడుకోవడానికి నాకు ఇంతకంటే వేరే మార్గం ఏం కన్పించలేదని స్టేషన్ నుండి తప్పించుకొని వచ్చానని రాజ్ ఇంట్లో వాళ్ళకి చెప్తాడు.

రాజ్ లోపలకు వెళ్తుంటే.. ఆగండి మీరు మీ భార్య దగ్గరికి వెళ్ళడానికి వీల్లేదు స్టేషన్ నుండి తప్పించుకొని మరొక తప్పు చెయ్యొద్దని అప్పు అనగానే అనగానే అందరు షాక్ అవుతారు. నాకు మిమ్మల్ని అరెస్ట్ చెయ్యమని ఆర్డర్ వచ్చిందని అప్పు అనగానే అందరు అప్పుపై కోప్పడతారు. ఎలా అరెస్ట్ చేస్తావో చెయ్ అని అందరు రాజ్ కి అడ్డుగా నిలబడగా కావ్య దగ్గరికి రాజ్ వెళ్లి మాట్లాడతాడు. రాజ్ ని చూసి ఒక క్రిమినల్ ఇక్కడ ఉంటే మా హాస్పిటల్ కి బ్యాడ్ నేమ్ అని డాక్టర్ అంటుంటే.. ప్లీజ్ డాక్టర్ అలా అనొద్దు.. ప్లీజ్ ఆపరేషన్ చెయ్యండి అని రాజ్ రిక్వెస్ట్ చేస్తాడు. తరువాయి భాగంలో కావ్యకి ఆపరేషన్ చేస్తారు. కావ్యకి పాప పుడుతుంది. అ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.